“Orkestra e RTSH duhet t’i nënshtrohet Vettingut”

Gazetari dhe ish-këshilltari i Fatos Nanos, Ylli Dylgjeri në një status ironik në Facebook, shkruan se edhe orkestra e Radio Televizionit Publik Shqiptar duhet t’i nënshtrohet procesit të Vettingut.

Dylgjeri: Orkestra e RTSH duhet ti nënshtrohet Vettingut! Po, po, nuk mund të luante Orkestra e RTSH-së në 2 Janar! Janë të inkriminuar! Duhen pastruar! Pse i mbajmë këto forca artistike? Për kur duhen?
Kjo është të vrasësh artin!
Pas “Vjenës shqiptare”, të mbyllim edhe Akademinë e Arteve në Tiranë që nuk nxorri vetëm artista por edhe kryeministra.
Kjo do të thotë të vendosësh standarte!

Reagimi vjen ndërkohë që në Tiranë u shfaq një koncert nga violinisti Shkëlzen Doli, bashkë me 36 artistë nga Vjena.