Lidhja e ndërtuesit te kullave te Teatri me drogen e kapur ne Alicante te Spanjës

Deputeti demokrat Ervin Salianji, ka folur me tone të ashpra dje në Kuvend  ku sjellë para publikut disa fakte që lidhen me  kompaninë që do të ndërtojë Kullat tek Teatri Kombëtar. Sipas tij kompania dyshohet se ka lidhje të forta me trafikantët e drogës kjo për shkak se disa familjarë të ndërtuesit, janë të implikuar dhe të dënuar për trafik ndërkombëtar droge. “Rastësisht ose jo, mediat kanë raportuar që Sulejman Fusha, i afërm i “Fusha shpk”, të cilit sot po tentohet t’i jepet për ndërtim nga Rilindja, është i dënuar në Alicante të Spanjës për 56 kg heroinë.” Salianji hedh dyshime se paratë e drogës për investohen në ndërtime sepse sipas tij edhe pse ka rënie të kreditimin nga banka kemi një boom zhvillimi në këtë sektor. “Si ka mundësi, që ky zotëria Fusha këtu që merr ndërtimin, i dënuar për trafik ndërkombetar drogë?! Ministri i Brendshëm me vëllanë për trafik ndërkomëbtar drogë. Ish Ministri i Brendshëm me kushërinj dhe të afërm duke u hetuar për trafik ndërkombtar droge.” – pyet deputeti demokrat.

Fjalimi i deputetit:

INSTAT-i ka publikuar të dhëna ku thotë se, pavarësisht rënies së kreditimit në ndërtim, lejet e ndërtimit dhe boom-i i zhvillimeve në ndërtim është në nivele dhe përmasa të mëdha. Pse ndodh? Sepse paratë e drogës investohen në ndërtim. Rastësisht ose jo, mediat kanë raportuar që Sulejeman Fusha, i afërm i “Fusha shpk”, të cilit sot po tentohet t’i jepet për ndërtim nga Rilindja, është i dënuar në Alicante të Spanjës për 56 kg heroinë. Si ka mundësi, që ky zotëria Fusha këtu që merr ndërtimin, i dënuar për trafik ndërkombtar drogë?! Ministri i Brendshëm me vëllanë për trafik ndërkomëbtar drogë. Ish Ministri i Brendshëm me kushërinj dhe të afërm duke u hetuar për trafik ndërkombtar droge. Po si ka mundësi që në këtë vend çdo aktivtet ekonomik, social, kulturor, gjthçka që ka të bëjë me para lidhen me persona që kanë fije apo të aferm, apo kushërinj, apo vëllezër të lidhur me drogën dhe me trafikun ndërkombëtar të drogës. Si mund t’i jepet një pronë publike një personi me këto lidhje dhe me këto kushte reference, pavarësisht se prona e Teatrit Kombëtar nuk duhet të preket?! Këtu është një aferë e pastër korruptive ku qeveria fiton 205 milionë euro në mënyrë të drejtpërdrejtë, duke përdorur Bashkinë e Tiranës në këtë rast dhe, për fat të keq, edhe votën tuaj, nëse do ta votoni,  për t’i shpëtuar përgjegjësisë penale.