Parlamenti Evropian voton pro liberalizimit të vizave për Kosovën

Një lajm shumë i mirë për shtetin e Kosovës. Kosova është një hap larg lëvizjes së lirë në Evropë.

Parlamenti Evropian ka votuar pro liberalizimit të vizave për Kosovën. Mësohet se për heqjen e vizave për Kosovën dhe qytetarët e saj kanë votuar 420 deputetë të Parlamentit Evropian.

Raportuesja për Kosovën në Parlamentin Evropian, Tanja Fajon para fillimit të votimit tha se Kosova i ka përmbushur të gjitha kushtet për liberalizimin e vizave, dhe ka kërkuar votën e të gjithë eurodeputetëve të Parlamentit Europian që të votojnë me votë pro.

Sipas mediave kosovare, tani radhën për të votuar këtë rekomandim e ka edhe Këshilli i Ministrave të BE-së.