Dashamir Uruçi: NDAHET NGA JETA ERZA IBRAHIM ALILI…!

Mora një lajm të jashtëzakonshëm dhe pashë edhe një fotografi të bukur fotografinë e një vajze 17 vjeçare e cila padrejtësisht e humbi jetën e saj të re pa patur as edhe më të voglin faj.

Erza ishte një vajzë shqiptare e Kumanovës e rritur në një familje me breza intelektualë, njerëz që i dhanë njerëzve përkushtim, përkujdesje e dashuri.

Në rrugën e babës mjek dhe gjyshit po ashtu ishte nisur edhe ERZA e jonë, ERZA e prindërve të vet, ERZA e të gjithëve.

Dora e krimit vazhdon të vrasë egërsisht ndër shqiptarë, çdo ditë vrasje, aksidente e krime të të gjitha llojeve.

Duhet t’i ndalim vëllezër e motra, duhet t’i ndalim ne, të mos presim nga të tjerët, nga komshinjtë tanë që nuk duan t’ia dinë e bëjnë vetëm sehir…!

Duhet të ngrihemi të mos presim as nga shteti e as nga politika. Ne qytetarët duhet të ngrihemi bashkë e t’i themi ndal krimit e të vendosim drejtësi.

Këto ditë familja ALILI kalon çaste të jashtëzakonshme, përjeton situata të tmerrshme e të paharruara të cilat nuk do t’i harrojnë kurrë.

Le të jemi të gjithë ne shqiptarët solidarë në këtë ditë të vështirë e të papërballueshme, në këtë ditë hidhërimi të pakufi.

Le të jemi bashkë e ta ndajmë hidhërimin bashkë me familjen e vet e të afërmit e tyre…!

ËNGJËLLUSHJA ERZA IBRAHIMI U PREHTË PËRJETËSISHT NË PAQE…!