Anila Kalleshi: Si të parandaloni kequshqyerjen te mosha e tretë?
Prof. Dr. Anila Kalleshi -Dietologe Klinike
Jo vetëm që mosha e tretë. ka nevoja për ushqim me vlera ushqyese ndryshe nga më të rinjtë, por ata gjithashtu kanë nevojë edhe për më shumë ilaçe, kanë rrisk më të lartë për shfaqjen e sëmundjeve kronike-si diabeti dhe sëmundjet e zemrës si dhe me shumë gjasa jetojnë vetëm. Të gjitha këto ndikojnë në kequshqyerje.
Nëse dini shenjat dhe simptomat e kequshqyerjes në moshën e tretë, mund të arrini të kujdeseni më mirë për të afërmit tuaj.
Shkaqet e kequshqyerjes te mosha e tretë
-Mungesa e interesit për të gatuar.
-Të jetuarit vetëm
-Efektet anësore të mjekimeve që ndikojnë në shije dhe oreks.
-Dietat me më pak kripë dhe yndyrë.
-Preferojnë më shumë të pinë alkool sesa të hanë.
-Vështirësi për t’i gëlltitur.
-Probleme me përtypjen për shkak të problemeve në mishrat e dhëmbëve.
-Pamundësi për të blerë ushqime organike.
-Shumë shpenzime në ilaçe saqë nuk kanë mundësi për të blerë ushqime me vlera nutricionale.
Depresion dhe dementia
Disa hapa parandaluese:
- Kontrolloni frigoriferin dhe mendohuni për zakonet ushqimore.
- Kini kujdes ndryshimet shëndetësore dhe ndryshimet në peshë.
- Konsumoni ushqime të pasura me 5 vitaminat kyçe si dhe ushqime të pasura me vlera ushqyese.
- Hidratohuni me rreth 9 gota ujë në ditë.
- Kërkoni ndihmë.
5 vitaminat dhe nutrientët kryesorë për moshën e tretë
- Acidi Folik 400 mcg në ditë. Ushqimet e pasura në acid folik janë spinaqi, ashparagu etj.
- Vitamina B12 2.4 mcg në ditë. Ushqimet e pasura në B-12: Mishi i gjelit të detit, salmoni, mishi i pulës, vezët, qumështi.
- Vitamina C 75-90 mg në ditë. Ushqimet e pasura me vitamine C janë portokalli, grejpfruti, luleshtrydhet, domatet, brokoli, patatet.
- Vitamina D 600-800 IU në ditë. Ushqimet e pasura në vitaminë D janë: salmoni i konservuar, sardelet, qumështi i sojës, qumështi i lopës etj.
- Acidet esenciale yndyrore (EFA). Ushqimet e pasura në EFA: tuna, sardelet, salmon, trofte, gaforre.
Si të qëndroni të hidratuar
Hidratimi është një nga arsyet kryesore se pse shumë herë të moshuarit përfundojnë në urgjencë. Rekomandohet të pini rreth 9 gota lëngje në ditë nëse jeni mbi 65 vjeç. Uji është opsioni më i mirë! Është e rëndësishme të kontrolloni sasinë e sheqerit dhe të mos konsumoni alkool.
- Supa-një mënyrë e shkëlqyer për të rritur lëngjet dhe nutrientët.
- Kafe me qumësht.
- Çaj bimor.
- Lëngje të freskëta.
- Smoothie-s (më shumë fruta dhe perime).
- Ujë kokosi-një mënyrë e mirë për të marrë elektrolite.
- Qumështi.