Kela Hysenaj: Thuaj!

Thuaj hardhisë plakë,

që nga dheu do e ndajnë,

thuaj që motin tjetër,

lastarët s’ka për t’i parë!

Thuaj që e prenë,

bejlerët që mbi tokë venë!

Thuaj hardhisë plakë,

që në mot s’do jetë

e nën hijen e saj, unë të bëj aheng!

Thuaj hardhisë plakë,

të pjeki rrushin për ver’n,

djemtë t’i veshi dhëndurrë,

e çupat nuse, të venë!

Thuaj hardhisë plakë,

lotët t’i mbajë,

lastarët në mot,

do t’i nxjerri prapë rrënja e saj!