Ela Zdrava: RASTËSISHT…

Filloi shiu,

a do takohemi rastësisht,

Më pëlqen të harroj rastësisht çadrën,

adhuroj pikat e shiut nën një çadër me ty.

Përqafimet janë qiejt e hapur të shpirtit.

I dua pikat e shiut rrënqethur në mjekër,

bulëza të akullta digjen në buzën prush,

trup e shpirt lagur, derdhur kupa me nektar,

të pijmë lëngun e jetës, ngrohur buzës zjarr.

Sa nevojë kam të takohemi rastësisht,

kaluan ditë, rastësisht pa u takuar,

kam mall për rastësinë të takohemi sërish.

Kur do takohemi rastësisht, më shkruaj,

filloi shiu…