Ela Zdrava: BRENDA TEJE…

Greminës së shpirtit keq rrëshqita,

përplasur rrëmbimthi deri në fund,

krahët u vranë nga këmbët e mpita,

zvarr me thonj të ngrihesha mund.

Honeve të shpirtit fort u kapa,

deri sa dola n’hapësirën e qiellit,

rrëmbeva kaltërsinë me rreze të arta,

erdhi m’u ul magjishëm dielli.

Nuk e di ku e gjeta gjithë atë fuqi,

pikërisht kur ndihesha aq bosh,

gërmova shpirtin e gjeta thesar,

sëndukun e mbyllur me cicërima zogjsh.

27. 12. 2014