Mimoza Bici: Bie shi e bukura ime…

Bie shi e bukura ime

Eja

jam stuhi të t’marr

Aty ku do rrimë ka kaq zjarr

Ikim sa më shpejt nga kjo botë e marr’

Sa t’më ndjesh duart, e bukura ime

Puhizën do mendosh se po të ledhaton

Ka nje oaz të pret veç ty

t’i japësh frymë me shpirtin që vlon.

Bie shi e bukura ime

Nëse nuk vjen

qenka flamë dashuria në këtë dreq tokë.

Erë ledhatare gënjeshtare tek të tret

mundon.

Ndaj bie shi e bukura ime

Të t’jap jetë sa mundem

mallit të digjem tek ti

Ndaj bie shi…