Në rrugët e Iranit zhvillohet luftë për liri– Dita 77 e Revolucionit

Të enjten, më 1 dhjetor 2022, njerëz nga sfera të ndryshme të jetës vazhduan me protestat dhe grevat. Studentë të universitetit, fermerë, kamionistë, punëtorë dhe shtresa të tjera iu bashkuan grevës mbarëkombëtare, duke gjymtuar ekonominë e brishtë të regjimit.

Për më tepër, njerëzit anembanë Iranit bëjnë thirrje për një fushatë mbarëkombëtare tre-ditore me protesta të përshkallëzuara me rastin e Ditës së Studentëve më 7 Dhjetor. Shtimi i protestave anti-regjimi është planifikuar të fillojë më 5 dhjetor dhe synon t’i japë një tjetër goditje të gjithë regjimit të mullahëve.