PROFESORESHA NGA UNIVERSITETI I ANTWERP MBAN LIGJËRATË PËR STUDENTËT E KOLEGJIT AAB

Për studentët e Fakultetit të Gjuhës Angleze të Kolegjit AAB është mbajtur një ligjëratë nga profesoresha Mieke Vandenbroucke e Universitetit të Antwerp – Belgjikë. Fokusi i kësaj ligjërate ishte rreth “Information dissemination and language use during the COVID-19 pandemic outbreak”.

Vandenbroucke solli një këndvështrim nga koha e pandemisë dhe mënyrat e informimit në këtë fazë, duke përfshirë edhe gjuhën e zgjedhur që praktikohej për ta transmetuar lajmin deri te publiku.

Ajo shfaqi në detaje disa raste krahasuese mes raportimeve që bëheshin në Kosovë dhe Belgjikë, ndërsa mori edhe mendimet e studentëve lidhur me përvojat e tyre gjatë asaj kohe.