Politikani serb falënderon presidenten e Kosovës për komentet në OKB
Politikani serb Nikola Sanduloviç, i cili u arrestua dhe dyshohet se u keqtrajtua, falënderoi Presidenten e Kosovës Vjosa Osmani që foli për rastin e tij në OKB.
Osmani ishte në mbledhjen e Këshillit të Sigurimit të OKB-së ku u debatua për raportin e rregullt gjashtëmujor të kreut të UNMIK-ut.
Sanduloviç, lideri i Partisë Republikane joparlamentare, u arrestua në fillim të këtij viti pasi vendosi një kurorë lulesh në monumentin e familjes Jashari, të cilët konsiderohen heronj në mesin e shqiptarëve të Kosovës dhe kriminelë në mesin e serbëve. Ai u mbajt dhe dyshohet se u torturua nga agjentët e agjencisë më të lartë të sigurisë civile të Serbisë, BIA. Një video e tregoi atë pa ndjenja dhe me mavijosje.
“Falënderoj Presidenten e Kosovës, Vjosa Osmani që ngriti çështjen e atentatit tim nga policia sekrete private serbe BIA e Vuçiqit në mbledhjen e OKB-së në Nju Jork, e cila u urdhërua sepse vendosa lule në varrin e vajzës së vrarë shqiptare Blerina Jasharit. e cila ishte vetëm 7 vjeç! Tani e vërteta për rastin tim ka ardhur në OKB, që e gjithë bota ta dijë se si po përhapet urrejtja në Serbi nga regjimi diktatorial ndaj të gjithëve në Serbi që duan paqe dhe pajtim ndërmjet serbëve dhe shqiptarëve. Tani edhe OKB-ja e di se si po persekutohen, arrestohen, rrihen dhe burgosen kundërshtarët politikë të Aleksandër Vuçiqit!”, ka shkruar Sanduloviq në një postim në X.