“Kryqi i Fjalës”, një roman himn për nënën dhe fjalën e lirë!
Titulli: Kryqi i Fjalës
Autor: Arben Çejku
Çmimi: 1000 lekë
Romani “Kryqi i Fjalës” është saga e një familjeje të thjeshtë shqiptare, jeta e së cilës kalon nëpër sprova të mëdha ekzistenciale! Ky roman ecën mbi dy shina; njëra është ajo e nderimit dhe lartësimit unikal të figurës së nënës dhe tjetra ajo e përkujtimit të dënimeve për lirinë e besimit dhe fjalën e lirë! Secila prej tyre vjen me mesazhe aktuale për sot dhe për nesër. Pjesa që ka në qendër “Moma Lizën”, rreth së cilës shtjellohet qeverisja e familjes, na thotë se baza e një shoqërie dhe një kombi është familja dhe shtylla kryesore e saj është nëna! Çdo koncept ekstravagant jashtë kësaj, çdo eksperimentim social, sjell rrënim. Fuqia e dashurisë për njëri-tjetrin, bëri që një familje e thjeshtë t’ia dilte të triumfonte përballë një regjimi të fortë që donte t’i shkatërronte! Fundi i romanit i jep nënës një kurorë nderimi të pabesueshme, nga biri i saj i vetëm! Pasi perdja e dramës së familjes Oroshi ulet, romani shtron pyetjen: a është sot fjala realisht e lirë dhe a po kërcënohet ajo me metoda të tjera më të sofistikuara?
“Kryqi i Fjalës”, një roman himn për nënën dhe fjalën e lirë!/Botimet mediaprint
