Mbyllet protesta e 71-të, protestuesit marshojnë në rrugët e Tiranës
Pas përfundimit të fjalimeve para Kryeministrisë, protestuesit e protestës së 71-të kundër qeverisë Rama kanë nisur marshimin në rrugët e kryeqytetit.
Me thirrjen e organizatorëve, pjesëmarrësit janë larguar nga sheshi përpara Kryeministrisë dhe kanë vijuar lëvizjen përgjatë bulevardit, duke mbajtur pankarta dhe duke brohoritur slogane kundër qeverisë.
Protesta ka mbledhur sërish qytetarë të moshave dhe profileve të ndryshme, mes tyre të rinj, të moshuar, studentë, profesionistë dhe aktivistë.
Marshimi zhvillohet pas një tjetër tubimi të organizuar kundër qeverisë, ndërsa pjesëmarrësit kanë shprehur kërkesat e tyre për ndryshime politike dhe institucionale.
