Venigjar Begaj: NË KUJTIM TË SHOKUT TONË, PETRIT SHEHU!
Me dhimbje të thellë morëm lajmin për ndarjen nga jeta të shokut dhe mikut tonë të dashur, Petrit Shehut.
Petriti ishte një njeri i mirë, një mik i respektuar dhe një profesionist i përkushtuar. Si mjek patolog, pas përfundimit të Universitetit të Mjekësisë në vitin 1978, ai i shërbeu me devotshmëri njerëzve fillimisht në Dibër e më pas në Tiranë.
Në çdo vend ku punoi e jetoi, Petriti la pas respekt, mirënjohje dhe kujtime të mira. Ai u shqua për profesionalizmin, korrektësinë, thjeshtësinë dhe përkushtimin ndaj detyrës, veçanërisht në fushën e higjienës dhe mbrojtjes së shëndetit të njeriut.
Por për ne, shokët e tij, Petriti do të mbetet mbi të gjitha njeriu i mirë, shoku i besës dhe miku i çmuar, gjithmonë i gatshëm për të dhënë një fjalë të mirë dhe për të qenë pranë të tjerëve.
Sot na dhemb mungesa jote, Petrit. Por kujtimi për ty do të jetojë gjatë në zemrat tona.
Lamtumirë, shoku ynë i mirë!
U prehsh në paqe!
Familjes Shehu i shprehim ngushëllimet tona më të sinqerta për këtë humbje të madhe.
Kujtimi yt qoftë i përjetshëm!
