Dr. Ilir Allkja: REAGIM NDAJ KRESHNIK SPAHIUT, DASHNORIT TË PUSHTETIT
Protesta nuk ka nevojë për “kryetar”, por për drejtësi!
Prej 13 vitesh, çdo lëvizje popullore apo protestë qytetare përballet me të njëjtat sulme sistematike dhe të mirëmenduara nga zërat që i shërbejnë pushtetit. Kreshnik Spahiu, i njohur tashmë si një mbështetës i vendosur i pushtetit dhe i keqqeverisjes, rikthehet me teorinë e radhës: kërkimin e “liderit të protestës”.
Ky është koncept i politikës së vjetër dhe synon vetëm zbehjen e shkakut real pse njerëzit dalin në shesh.
Përpjekja për t’i vënë një emër të përveçëm apo një kryetar kësaj proteste është kurth për ta futur atë në kornizat e vjetra politike dhe kryesorja për ta blerë liderin e saj(sic edhe bëjnë zakonisht).
Gjenialiteti i kësaj protestë qëndron pikërisht tek organizimi pa lider apo parti, kjo e bën popullore.
Protesta është qytetare, ku konvergojnë shqiptarë me pikëpamje të ndryshme politike e sociale, të cilët i bashkon një qëllim i vetëm: përfundimi i mandatit të një qeverie që po shpopullon vendin, po grabit trojet dhe po vjedh financat e shqiptarëve.
Gjithë “kreshnikët” e pushtetit janë në siklet që kjo lëvizje nuk ka dhe nuk mund të ketë një lider unik, sepse forca e saj qëndron pikërisht te bashkimi popullor, dhe ata nuk mund ta blejnë dot!
Ajo është dhe do të mbetet një front i përbashkët qytetar për një Shqipëri të re, pa korrupsion dhe me politikanë që japin llogari para drejtësisë!
