Kanada\Një rrugë në Regina pritet t’i vendoset emri “ALBANIANS”

 Saskatchewan-Kanada Prej sot, Bashkia Regina ka marrë në dorëzim një projekt të ideuar nga një grup shqiptarësh. Pas bisedimeve të zhvilluara me Kryetarin e Bashkisë z.Michel Fougere, i është dorëzuar sot materiali i cili sugjeron dhe arsyeton pse një rrugë në Regina t’i vendoset emri “ALBANIANS”. Vendimi pritet të miratohet nga Këshilli Bashkiak, edhe pse komuniteti shqiptar i vendosur atje duket mjaft optimist. Kryesia ka zgjedhur emrin “Albanians” duke qenë se është gjithëpërfshirës, pra me këtë emër përfaqesohen shqiptarët e Shqipërisë, Kosovës, Malit të Zi, Serbisë, Maqedonisë Veriore dhe Greqisë. Duket se do të jetë mjaft e lehtë edhe për kombësitë e tjera për të ditur fillesën e këtij emërtimi. Nisma të tilla lënë gjurmë dhe janë investim edhe për brezat që do të vijnë. Komuniteti shqiptar i vendosur ne Regina, i përfaqësuar nga Albanian Community Association “Iliria”, Regina SK, sjell në vëmendje një specifikë në falenderim për Taulant Dedja, gjatë bisedes me të cilin, muaj më parë lindi ideja e kësaj nisme./albanian montreal press/