Luan Rama, si poet dhe përkthyes në revistën franceze ‘Apulée’

Pak kohë më parë u lançua numri i parë i revistës prestigjioze franceze Apulée, të krijuar prej shumë vitesh nga Hubert Haddad, ku botohen shkrimtarë dhe filozofë të horizonteve të ndryshme, veçanërisht dhe nga Mesdheu, dhe ku në këtë numër, Luan Rama prezantohet si poet dhe si përkthyes njëkohësisht. Apulée ka qenë një shkrimtar e fizolof i shekullit të II-të i cili nga brigjet e Afrikës latine hapi një dritare të re për letrarët e letërsive të lira.

Është një reviste prej 415 faqe që botohet një herë në vit. Rama ka përkthyer tri poezi të shkrimtares franceze Emmnuelle Favier, (“Fraza më e bukur e botës”, “Busulla” dhe “E huaja”) romani i së cilës, “Guximi që u duhet lumenjve” është përkthyer dhe në shqip nga Rina Cela dhe ka marrë shumë çmime në Francë, si dhe një poezia e Ramës “Elegji për kukullat e Egjeut” në frëngjisht dhe përkthyer në shqip po nga autori. Në këtë numër është botuar dhe poezia e poetes së njohur franceze Laure Cambau që Rama e ka përkthyer para dy vjetësh në shqip, libri i saj poetik “E bardhë pa të bardhë” botuar nga “Albas”.

Në këtë numur, ku janë botime të autorëve shumë të njohur si Thomas Berndard, Dominique Fernandez, Josephine Bacon, Jean-Marie Blas de Robles, Michel le Bris apo përkthime nga Omer Khayam, dhe mendime rreth gjuhëve të botës, etj., në faqen e pasme shkkruhet: “Apulée» është një revistë e guximshme e letërsive të botës, e vëmendshme në veprat e gjalla të Magrebit e Mesdheut, të Afrikës e vendeve përtej saj, duke i lënë një vend të madh krijimit, fiksionit, debateve të mendimit, poezisë, kryqëzimit të gjuhëve, përkthimit, krijimeve të reja, të largëta e të afërta, zërave të botës…”.

Janë aty shkrime nga Kebeku, poezia kineze, gjermane, arabe apo tema mjaft të këndshme se “si të përkthesh haiku”, psallmet sufiste apo siç i quajmë në Perëndim “souffle” (frymë), etj, ku të bën përshtypje dhe një sentencë e hebreut tê njohur Avot Yeshurun : “Kur mërgimi kthehet në Fjalë!”…Le të shpresojmë që numrin e ardhshëm do të kemi autorë të tjerë autorë shqiptarë.