Manjati i antivirusit McAfee pretendon se gruaja e tij ish-prostitutë, e ka spiunuar tek padronët e krimit

Manjati 73-vjeçar  i antivirusit të famshëm McAfee,  John McAfee u arrestua në Republikën Domenikane për mbajtje të armëve dhe municioneve.

Krijuesi i softwerit u arrestua bashkë me shoqëruesit e tij nga autoritetet domenikane të migracionit.

McAfee, i cili është në ndjekje nga autoritetet e taksave amerikane, u ndalua pasi zbriti nga jahti i tij me emrin “Great Mystery”, në Puerto Plata, në bregun verior të Republikës Domenikane.

“Unë jam John McAfee, themeluesi i sigurisë së internetit. Duhet të besoni se nuk ka asgjë elektronike që të ndodhë dhe unë të mos e marr dot vesh. Jam më i miri në botë ,” shprehet ai për ‘Sun Online’.

McAfee, i cili dikur jetonte jetën si një don Zhuan në xhungël, është në ndjekje nga autoritetet amerikane të taksave, përfshirë CIA-n, pasi refuzoi të paguante miliona taksa, gjë që e cilëson si  “jo kushtetuese dhe te paligjshme”.

‘Guruja’ i teknologjisë dhe gruaja e tij 36 vjeçare Janice, folën me anë të një telefonate në Whatsapp, teksa qëndronin në një barrake metalike, e cila, siç thotë ai, nuk lejon sinjalin e telefonit të kalojë përtej.

Ata rrëfyen se, teksa ishin në arrati për më shumë se shtatë vjet gjatë romancës së tyre, Janicë dy vitet e para spiunonte informacionet e tij tek bota e nëndheshme e krimit.

“Unë duhet t’i informoja ata për John-in” pranon Janice, e cila e njohu McAfee kur ai e punësoi si prostitutë në  Miami Beach, Florida, në dhjetor të 2012.

“Ata donin të bëja gjëra të tipit: të hidhja helm në ushqimin e tij dhe t’i lija të hynin në shtëpinë ku qëndronte.”

Nëna e tre fëmijëve, u rekrutua fillimisht tek padronët e kartelit nga tutori i saj dhe , edhe pse u dashurua me milionerin e dikurshëm  McAfee, ajo thotë se ishte shumë e tmerruar të mos i bindej urdhrave të tyre.

“Cartel ii krimit sundon botën e nëndheshme në Amerikë”, tregon ajo.

McAfee beson se krerët e krimit u punësuan për të marrë informacion mbi të nga qeveria e Belize, në Amerikën Qendrore, vend në të  cilin ai jetonte dikur me një harem prej shtatë grash në moshë të re.

Ai pretendon se zyrtarët Belizean janë përpjekur ta vrasin. Kryeministri i vendit Dean Barrow e ka përgënjeshtruar një akuzë të tillë , duke e cilësuar John si “ekstremisht paranojak dhe njeri që do të duket”.

Për Janice, të ishe nën ‘kthetrat’ e tutorit të saj dhe kriminelëve, teksa spiunonte burrin që dashuronte, ishte një situatë e frikshme, e cila e bën të ketë frikë për sigurinë e saj dhe të fëmijëve të saj.

Aso kohe ajo nuk punonte më si prostitutë.

Por, çuditërisht, McAfee thotë se nuk do t’ia dijë që e shoqja e spiunonte, sepse ai kishte llogaritur gjërat dhe Janice ishte në një situatë të rrezikshme.

McAfee postoi në Twitter se po linte paraburgimin pas “katër ditëve të izolimit” dhe tha se pavarësisht se u trajtua mirë, ai dhe banda e tij, e cila përfshinte gruan e tij, Janice McAfee, e cila ishte edhe e ndaluar, “kishte vendosur të vazhdonte më tej”.

Sipërmarrësi së fundmi i tha Reuters në një intervistë se ai mund ta ndihmojë Kubën të shmangë gjithashtu qeverinë e SHBA-së, duke nisur një kriptocurrency që mposht një embargo tregtare të SHBA.

E kaluara e tij përfshin arratisjen nga Belize, ku ai jetoi për disa vjet, pasi policia e kërkoi  për ta marrë në pyetje për vrasjen e fqinjit të tij në vitin 2012.

Vitin e kaluar ai tha në Twitter se ishte baba i  47 fëmijëve.
McAfee raportohet të ketë thënë për revistën Wired se ai nuk kishte asnjë lidhje me vdekjen e fqinjit të tij, por kishte frikë se policia në vendin e Amerikës Qendrore do ta vriste nëse e gjenin.

Ai tha se u fsheh në rërë kur pa se policia po vinte në shtëpinë e tij dhe vuri një kuti kartoni mbi kokë për të marrë frymë.

McAfee i tha Wired se kushdo që qëlloi fqinjin e tij mund të ketë qenë duke kërkuar të vriste atë në vend të tij dhe gabimisht  ka vrarë fqinjin.

(John McAfee me haremin e tij në xhungël)

(Në qeli në Republikën Domenikane)