Mustafa SPAHIU: VETMIA – KNOISTËT/UDBASHËT

 

1.

 

(Tetë vjetë – përgojime)

 

Zagarët soll zotëritë ndërrojnë

zanatin e thekur se harrojnë

 

kopilin e tyre ta lënë në derë

ta tjerrin fillin kur pa pasur faj

i miri jeton aq sa do i ligu

 

Ta trusin Pykën e Deli Hasës,

kthe fjalë nga dole llapaqene

si ta vidhnin hajnat e Magurës

 

shoshës e dërmolit Udbashët

të sitin paskaj të bëhet shpina

2.

 

(Ti skalisin – tabanë)

 

 

Shpirt’i të gjallit s’ndryshon lehtë

“Ti ëndërron Shqipërinë e Madhe!”

 

Pse po çirresh n’orët letrare,

– fluturat e bardha ku veshin

fustana e gjerdana kuq e zi

 

i dëgjon këngët e Radio Kukësit,

hyn pyllit të shohim në kodrinë

për shtëpi e plang s’mërzitesh

 

këto janë sajesa o të mallkuar,

o horr ç’e mbanë librin në duar?

 

 

 

3.

 

(Udba – din çdo gjë)

 

UDBA je albanska sudba[1]

LKJ-a t’kall tmerr në qefin!

 

për tokën nënë stisi vargje

ju kujt i shërbeni o të mjerë?

më shajnë në nënë e motër

 

do të çrrënjosim nga fshati

shpesh përvidhesh në Gjilan,

te nacionalisti Rexhep Dajkoci?!

 

E kam dajua – gjak të ime ëmë

ku rri me te jam pëllumb i bardhë!

 

 

 

 

4.

(“Dora e Zezë” – zezonë)

 

Organizatë famëkeqe “Dora e Zezë”

merrej me vrasje monstruoze me

 

theks të veçantë të shqiptarëve, lubi

themelues Dragutin Dimitrijeviq-Apis,

oficer i kundërspiunazhit serbosllav

 

me javë të tëra qëndroi në Boletin

për ta tradhëtuar trimin Bacën Isë,

veshur me veshje kombëtare me plis

 

e tirq me nunin e vet priftin ia behën

në Shkup, u futën në Ambasadën Ruse

 

I.

Për të dhënë informata të reja dhe

duke marrë informata të reja-urdhëra

 

 

flitet… Baca Isë bie në lehtëbesim

ngusht lidhet me Dimitrijeviqin-Apis.

para luftës së Kumanovës në nëntor

 

më 1912, nga pashai turk Alirizaja

merr 63 mijë armë findak të reja!?!

dhe shqehi Apis 400 mijë dukat ari!

 

nga senatori turk i Thesalanikut

Emanuel Karasu prejardhjesh lëtin!!!

 

 

5.

(“Dora e Bardhë”- korbkobzezë)

 

Organizatë stërfamëkeqe themeluar

nga dinastia e Karagjorgjeviqve ziosh

 

të etur si hienat, të tërbuar me dhambë

korbash masakruan e shfarosën 500

mijë shqiptarë në vitet 1912 e 1913-të

 

rënkonte nga monstrumët Gadishulli

Ilik krojet e cemta buronin soll gjak

shqiptari nga kamat e karpatianëve

 

erdhën tinzar me shlivë,pse erdhën

mbi tokë ilire, vafshin në pakthim…

 

 

 

II.

6.

(S.H.S.1918-1940-lemeri, trishtim)

 

Monarki kafshë e zezë-llahtari

turrej me vrer Pininsulës Ilirike…

 

Shpërngulje në tokën e premtuar

fshatrat digjeshin me flakë baruti

fëmijë, gra, nuse të përdhunuara –

 

xhandarët burrat i shkonin singi

Naçallnikët qelbeshin si halerat

ligje shkruanin me kundak e kosë

 

Reforma agrare i merrte arat lavruar

drithin ujitur djersësh, dëbuar plangut

 

 

7.

(KNOJ – kufomat konvoj)

 

Pa shahit,pa ispatë bëhej zullumë

dhe vijat e gjakut bëheshin lumë!

 

Korparmata e Mbrojtjes Popullore

të Jugosllavisë ishte hakërruar me

lëkurë qengji ujqër të uritur aq të

 

ndërsyerur ndaj shqiptarëve edhe

ata donin liri si popujt tjerë lirinë

Naçallnikët qelbeshin të urinuar!!!

 

Ndiznin zjarr të çuditshëm tym të zi

në morge rrugësh shqiptarët shtri!

 

II.

 

Tërë Jugosllavia ishte KNOJ-iste

druzhe Tito preras kishte urdhëruar

 

të luftohej dhëmb për dhëmbi ta

shuani farën e shqiptarëve Ballin

Kombëtar të lashtë,të shfatëzuar

 

me plagët e panumërta me mllef

t’i fusni në çmendoret e hapsaneve

të kalojnë ditë të çmendura plot gjak

 

KNOJ-i t’i gozhdon në dërrasë kryqimi

lëshoni shi të zjarrtë kokash së tyre….

************

 

 

III.

 

8.

( OZNA – sve dozna)

 

Drejtoria e Mbrojtjes Popullore

shërbim informative i RFPJ-ës

 

themeluar nga Rankoviqi zhuntar

si Koçi Xoxe teneqexhi filloristë –

shqiptarët të parët hyn vullnetarë

 

trokthi pas anëtarëve të ONDSH-ës

pas ballistëve e legalistëve cerberët

si Destan Kovani turrej nga Koretini.

 

Kryeshef i OZN-ës të emërohej për

Kosovë Spasoje Gjakoviq gjakatar!!!

*

 

8./a

 

Në promovim të OZN-ës pë Kosovë

në radhët e saj ishin edhe tre anëtarë

të “Komitetit Krahinor të Kosmetit”: Ali

Shukria, Çedo Mijoviq e Sahit Bakali!!!

 

 

(KOS-i batërdi – bënte kërdi)

 

Ky Shërbim i Kundërzbulimit të

armatës vrastare tê Jugosllavisë

 

Formacion shfarosës për shqiptarë

ushtarët tanë analfabet i gjykonte

për krime të shpifura,të pavërteta!!!

 

të paarsimuar të flakët atdhetarë,

serbët shovenist e racist provokonin

i shanin: në nënë,grua, motër e bukë

 

etërit tuaj kanê vrarë kolonët e çetnikë

do ju kthejmë n’arkëmort të binduar…!

 

 

9.

(Kosova e vogël – masakra të mëdha)

 

 

Providenca hyjnore ruajti Kosovën

me ujërat lot resurësd minierave…

 

Ç’merr prej Mollës së Kuqe ku nis

sinori i Shqipërisë etnike natyrale

s’ju ndanë masakrat e Toplicës, e –

 

Antivarit,Manastirit e n’urë t’Artës,

Gjilanit, Kumanovës dhe Pollogut,

Prizrenit, Preshevës, Plav’e Gucisë

 

brigjeve të Ulqinit, Dibrës së Madhe

Mitrovicës e Jeni Pazarit, Strugës e

Ohrit, Uskanës, Kaçanik e Karadak,

Vendet tjera për liri kane derdh gjak!

 

 

E shtunë, 16/19 prill 2020 , Në Dardaninë Ilire.