Klodiana Shala: Në tri dekada demokraci, askush nuk u kujtua për artistët dhe sportistët

Rastisa të vizitoj shtëpinë e një aktoreje shumë të njohur, por po rezervohem t’ia përmend emrin publikisht pa lejen e saj. Me të krenohemi, e duam në emisione, në ceremoni, e kërkojmë kudo.

Por çfarë i kemi dhënë si shpërblim? Asgjë. Stili i saj jetesës ishte krejt modest, për të mos thënë i varfër.

Njësoj me një aktor tjetër shumë të dashur të humorit. Jetojnë me të ardhura modeste, pa njohur kurrë përkujdesjen e shtetit.

Si sportiste me disa medalje kombëtare dhe ndërkombëtare e njoh fare mire ndjesinë e mosmirënjohjes, të harresës, të mosvlerësimit nga shteti dhe shoqëria që konsumon pa fund drama të rreme në ekranet televizive.