Femrat konspiracioniste në vijën e parë të luftës për lajme të rreme

Kur një makinë bombë shpërtheu në periferi të Moskës, duke vrarë 29-vjeçaren Darya Dugina, sytë e Perëndimit u kthyen menjëherë nga babai i saj, Alexander Dugin, filozofi ultra-nacionalist i cilësuar si “udhërrëfyesi shpirtëror” i presidenti Vladimir Putin në pushtimin e Ukrainës.

Por vetë Dugina luajti një rol më të vogël, publik në avancimin e fuqisë së butë ruse duke sulmuar Perëndimin në paraqitjet televizive në shtëpi, ndërkohë që operonte një platformë online të maskuar në gjuhën angleze që nxiti një botëkuptim pro-Kremlinit tek lexuesit perëndimorë, shkruan CNN.

Vitet e fundit, ajo kishte kërkuar të krijonte ndikim publikisht, shpesh duke pasur parasysh një audiencë ndërkombëtare.

Dhe ajo nuk ishte vetëm. Dugina ishte vetëm një nga gratë ruse me ndikim në vijën e parë të luftës së dezinformimit rus, duke përfaqësuar fytyrën publike të përpjekjeve më të gjera të propagandës, brenda dhe jashtë vendit.

“Ka një makinë të madhe që punon për këtë përpjekje propagandistike dhe ajo ishte një pjesë e kësaj makinerie”, tha Roman Osadchuk, një bashkëpunëtor kërkimor me bazë në Ukrainë në Laboratorin e Kërkimeve Ligjore Dixhitale të Këshillit Atlantik (DFRLab), i cili ka hetuar shkrimet e Dugina dhe prodhimin dixhital që nga viti 2020.

Faqet e internetit si ajo e Duginas nuk janë të rralla, sipas Olga Lautman, një bashkëpunëtore e lartë në Qendrën për Analizën e Politikave Evropiane (CEPA) me qendër në Uashington, e cila e cilësoi prodhimin e tyre “jashtëzakonisht të rëndësishëm” për objektivat e fuqisë së butë të Rusisë.

“Është një metodë shumë sistematike, ju do të shihni të gjitha këto faqe që pompojnë të njëjtin mesazh identik, të njëjtat pika diskutimi, tha ajo. E gjithë çështja në një shkallë më të madhe është të zhvendoset ekuilibri i fuqisë nga Shtetet e Bashkuara në Rusi dhe të lejohet ngritja e autoritarizmit dhe përmbysja e demokracisë”.

Interesi i Duginës shtrihej përtej Rusisë dhe Ukrainës. Faqja e saj në internet dhe bisedimet u fokusuan shpesh në zgjedhjet në të gjithë Evropën, dhe në vitin 2017 ajo ishte veçanërisht e përfshirë në promovimin e kandidates së ekstremit të djathtë për president të Francës, Marine Le Pen.

Në një paraqitje publike para raundit të parë të votimit në 2017, Dugina i tha një turme në Moskë gjatë një fjalimi se Le Pen ishte një “udhëheqëse për njerëzit” ndërsa kritikonte fituesin e mundshëm Emmanuel Macron, sipas një shkrimi nga grupi nacionalist rus Rodina.

Aktivistja politike pro-Kremlinit, Maria Katasonova, e veshur me një bluzë me portretin e presidentit Vladimir Putin, mbron Presidentin në një protestë anti-Putin të vitit 2017 në Moskë.

Sferat e politikës evropiane ishin një hapësirë që Dugina ndau me një numër aktivistësh dhe provokatorësh të rinj rusë, duke përfshirë Maria Katasonova, e cila krijoi një lëvizje në internet “Women for Marine” dhe përshëndeti Le Pen kur ajo vizitoi Moskën për t’u takuar me Putin në 2017.

Olga Skabeyeva është një tjetër grua me influencë në Rusi. Ajo një prezantuese televizive që me tone nacionaliste i rregullisht bën thirrje për përshkallëzime dramatike në sulmet ruse ndaj Ukrainës i ka kërkuar Moskës të “çmilitarizojë gjithashtu të gjithë NATO-n”.

Ajo ka thënë diku tjetër se rritja e popullsisë LGBTQ+ në Perëndim do të nënkuptojë përfundimisht se “njerëzit do të mbarojnë” në Perëndim pasi ata “të ndalojnë së riprodhuari” dhe ka thënë se Rusia “do të duhet të denazizojë gjithashtu “transfashistët”.

Gjatë valës së fundit të të nxehtit të Evropës, ajo tha se “natyra është gjithashtu në anën e Rusisë!”

Dugina dhe shumë gra të tjera në makinën e dezinformimit të Rusisë operojnë në nivele të ndryshme dhe në sfera të kundërta; “ata padyshim e shikojnë njëra-tjetrën si shembuj se çfarë dhe si mund të punonin në të vërtetë për këtë”, tha Osadchuk.

Vdekja e Duginës ka hedhur dritë mbi një aspekt të këtij operacioni; ato po e bëjnë këtë detyrë ndryshe, tha ai. Por) ato janë pjesë të ndryshme të të njëjtit trup”./euronews albania