Borrell do marr pjesë në Asamblenë e OKB-së

Përfaqësuesi i Lartë i BE-së për Punët e Jashtme Josep Borrell do të udhëtojë në Nju Jork më 18-23 shtator, ku do të presë dhe do të marrë pjesë në një sërë ngjarjesh dhe takimesh dypalëshe të nivelit të lartë të sesionit të 77-të të Asamblesë së Përgjithshme të Kombeve të Bashkuara.

Më 19 shtator, Borrell do të marrë pjesë në panelin “Nga Ukraina në Amerikë: rimëkëmbja forcuese kundër goditjeve globale”, së bashku me Ministrin e Jashtëm të Ukrainës, Dmytro Kuleba. Pasdite, Përfaqësuesi i Lartë Borrell do të kryesojë një takim jozyrtar të Ministrave të Punëve të Jashtme të BE-së ku do të mbajë më pas edhe një konferencë për shtyp.

Më 20 shtator, Borrell do të bashkohet me Presidentin e Këshillit Evropian Charles Michel dhe Presidenten e Komisionit Evropian Ursula von der Leyen për seancën hapëse të Debatit të Përgjithshëm të Asamblesë së Përgjithshme të 77-të të OKB-së. Më pas Borrell do të mbledhë liderët nga Ballkani Perëndimor për takimin tradicional të organizuar në margjinat e OKB-së