Skënder Sherifi: Mbi librin tim të ri në shqip “Love”

 

Ndoshta ju kam lajmëruar dhe e dini, që ma kanë botuar në Tiranë, para pak ditësh, këtë vepër monumentale ‘LOVE’, një homazh poetik prej 700 faqesh kushtuar botës femërore në të 5 kontinentet e planetit tokësorë… diçka komplet e paparë! Libri është rishikuar, freskuar, modernizuar dhe adaptuar me versionin tim personal në gjuhën shqipe… kështu, që jam unë vetë përgjegjës mbi nivelin e kualitetit të tij.

Vepra është e shoqëruar me 14 parathënie nga disa personalitete frankofone dhe shqiptarofone, mjaft të pasura dhe interesante për t’i lexuar, sepse nuk janë formale.

Natyrisht për atë që e lexon dhe që e ka bagazhin e duhur kulturor, e kupton direkt që nuk është para një vepre të rëndomtë, si çdo përmbledhje poezie e zakonshme, të formatit klasik. Këtu je në një multidimensionalitet poetik dhe universal të pakufi, ku janë prezentë, ku dialogojnë dhe kryqëzohen të gjitha artët dhe kulturat e botës!

POR TANI, UNË E KAM SI AUTOR, NJË PROBLEM SUPER PRAKTIK që më shqetëson pak!

Libri mu ka botuar në Tiranë, kurse unë jam për disa kohë në Bruksel (Belgjikë) dhe nuk mund të vij fatkeqësisht për ta promovuar në Shqipëri dhe nuk e di sinqerisht, kur mund të jem në Tiranë (se zakonisht, për gjithë ata që më njohin) unë e kam për zakon ritual, për të ardhur andej në çdo Pranverë (nga muaji prill ose maj… por më duket tepër vonë, për këtë vepër). Dhe nuk mund ta garantoj aspak, që mund të vij pak përpara në Tiranë… dhe kjo më pengon bukur shumë në realitet… por kam obligime personale dhe familjare mjaft serioze këtu në Belgjikë dhe nuk mund të veproj krejt siç dua unë, si të isha beqar!

KËSHTU QË NDËRKOHË, LIBRI ËSHTË në TIRANË, por unë jam në BRUKSEL për disa kohë.
Dhe me logjikë normale të shëndoshë, nuk mund të lihet kjo lloj vepre, ashtu krejt në heshtje, deri sa të vi unë vetë në Tiranë! Sepse, nuk është diçka etike, as profesionale.

PRANDAJ : po ju kërkoj juve, si miq, mikesha, të njofshëm, nëse mundeni, nëse e keni dëshirën dhe disponimin, që t’i thoni disa fjalë mbi këtë Vepër unike – LOVE.

Një koment, një prezantim, një reagim, një rekomandim, një sugjerim… ku të doni dhe si  të doni juve, lirisht, sipas inspirimit të momentit. Por mos e leni librin tim krejt në heshtje!

Juve, mund të reagoni si të doni, përmes ndonjë shkrimi në një gazetë apo revistë që ju pëlqen, një sit apo një platformë, edhe nëpër rrjetat shoqërore ku jeni prezent, si për shembull (instagram apo facebook)… Pra, thoni lirisht çka të doni mbi këtë libër!

Ju falënderoj përzemërsisht për mirëkuptimin tuaj dhe ua shprehi mirënjohjën time.

Me respekt dhe dashamirësi, nga Brukseli.

SKENDER  SHERIFI  – 30 shtator 2022.

—————————————

“LOVE”, NJË HOMAZH KOZMIK, POETIK, EROTIK, OQEANIK, SIZMIK, FARAONIK, FILOZOFIK, IDEALIST LIRIK DHE ROMANTIK… femrave. Për mua, pa asnjë dyshim, libri më i kompletuari, më i pasuri, më inovuesi dhe më origjinali… kushtuar sot, botës femërore, në poezinë aktuale!

Me një version komplet të ri, i adaptuar direkt nga vetë autori, në bazë të veprës së tij origjinale, në versionin francez «LOVE » botuar në vitin 2008 në Belgjikë–Bruksel i cili është shpallur nga shtypi dhe kritika belge, në TOP 10-t’shin, e veprave më të mira, që janë botuar në të gjitha zhanret letrarë (roman, ese, tregim, novelë, monografi, etjera ) në gjithë hapësirën kulturore frankofone të Europës do të thotë në Belgjikë – Francë – Zvicër dhe Luksemburg.

Pra, libri “LOVE” në frëngjisht është konsideruar nga shumë kritikë dhe specialista, si një vepër poetike, UFO, atipike, kult dhe emblematike, e Poezisë postmoderne aktuale.

Është botuar së pari në gjuhën shqipe, në vitin 2012, me një përkthim interesant, të mikut tim, zoti Albert Nikolla. Mirëpo, pas 10 vitesh, mendova që ishte e nevojshme, që kjo vepër tepër speciale dhe referenciale “LOVE” – ta ketë sot 100 përqind gjurmën dhe karakterin e autorit, me një version komplet të lirë dhe të improvizuar, si në Free Jazz, Miles Davis, apo në një solo me kitarrë të Jimmy Hendrix.

Pra, që ta ketë LEXUESI SHQIPTARË, në dispozicionin e tij, edhe këtë VERSION ULTRA MODERN DHE ROCK AND ROLL, nga vetë AUTORI… diçka me ngjyren e shekullit 21!

Është me të vërtetë, një vepër unike, gati marsiane, me prozë, poezi, hibride, me plot referenca nga të gjitha artet dhe kulturat e botës… me 500 artista planetarë që janë të ftuar brenda veprës për t’ia dhënë një jehonë të papritur, si GUEST STAR… vetëm për t’i shoqëruar ose përforcuar tekstet e mia, përmes një dialogu, ose një heshtje intime, në interferencë me botën e tyre krijuese.

Libri “LOVE” është vepër globalizuese, gati si Fabrika (The Factory) e Andy Warholit në New-York, ku vinin të gjithë krijuesit e të gjitha fushave dhe horizontëve, për të ndarë diçka shpirtërore, emocionale, artistike apo erotike së bashku.

Kurse, për FEMRAT e çdo kontinenti është një VEPËR unike dhe monumentale, e cila mund t’i shoqëron gjatë gjithë jetës së tyre në çdo moment, sepse nuk do demodohet në asnjë mënyrë.

Ngaqë, jemi këtu në fuqinë poetike cunamike prej 10 ballësh! Libri “LOVE” ka dalur tani tek « ILAR » në Tiranë, me datën 10 shtator 2022 … një Bibël dashurie prej 700 faqesh kushtuar Femrave.

Me respekt ndaj të gjithëve – nga marsiani Skënder SHERIFI – në Bruksel!