Mimoza Bici: Nuancat gri…

Nuk di

nëse jeta

eliminon ato grimca

gërvishur kohës enigmë

për t’i qartësuar

nuancave gri

Gri, gri, gri…

Koha është e bardhë

trupi im gri…

Mendimet janë ngjyrat

veshur jetës anonime

Unë jo

s’jam anonim

Jam ajo grua

ku heshtja ka tkurr’

vdekjen

udhës gri…

Sa herë ?!

Një herë kur linda

një herë, dy, tri…

por jo

s’dua të tregoj histori gri

Ajo që dua të them

është se

gërvishtja e trupit tënd

fillon kur ngjizet e bukura dashuri

Kjo dredharake e helmët përzierë me mjaltë

të ngatërron jetën

E

ti ecën mes ngjyrave

por udha mbetet gri…