Hamit Aliaj: UDHËTARËT DHE TË VDEKURIT KANË ETJE

Edhe në ëndërr po të hyjnë në shtëpi të vdekurit e tu

Eshtë shenjë e keqe:

Dikë kërkojnë të marrin me vete

Janë shpeshtue netët që në ëndërr shoh

Herë nanën, herë babën, të vdekur prej shekujsh

Afrohen te gardhi i oborrit

Shohin me mall dhe mos o zot të hyjnë në shtëpinë e tyre!

Udhëtarët dhe të vdekurit kanë etje dhe unë hyj të marr ujë për ta

Kur dal, as nanë as babë

Dy shpendë flatrojnë e ikin nëpër natë.