Mëngjesi me Ramën dhe Clinton, Alex Soros dhe të dashurën e tij
Ceremonia e zhvilluar në nder të presidentit amerikan Bill Clinton solli në Tiranë edhe shumë personazhe. Një prej tyre ishte edhe djali i multimiliarderit George Soros, ai që tashmë do të trashëgojë gjithë “perandorinë” e ngritur nga i ati.
Soros, reklamoi edhe në rrjetet e tij sociale, të gjitha takimet që kishte me presidentin amerikan, kryeministrin Edi Rama dhe të tjerë zyrtarë të lartë që ishin mbledhur para Kryeministrisë për të nderuar Cliton. Më pas, të gjithë shkuan në një tjetër ambient për të darkuar, ndërsa kryeministri Rama fryu qirinjtë e tij të 59-të.
Por Soros nuk u ndal me aq. Dokumentoi çdo moment të takimeve të tij në rrjetet sociale, madje edhe mëngjesin ekskluziv me Ramën dhe Clinton. Por të tre nuk ishin vetëm. Bashkë me Sorosin, kudo në krahun e tij, ishte dhe Savannah Huitema, modelja e “Model Management”, bashkëjetuesja e djalit të multimiliarderit.
Në të gjitha fotot e takimeve, studentja e Ligjit në Harvard, shfaqet kudo, madje ka ripostuar gjithçka që ka zbuluar bashkëjetuesi i saj./gazeta shqip
Please follow and like us: