Meti Rexhepi: LULEZJARRTA

 

shtëllungat që t`i zënë rrezet

kanë dhimbje për t`i shuar etjet

 

mes dy baraspeshash

etjesh dhe rrezesh

 

mirënjohjen ua shfaqe

vetëm ashtu si ditke ti lule dherash

 

secilit që ka sy

secilës që ka veshë

 

në melodi ngjyrash

akordojetinguj buzë pëshpërimash

 

piktori gjenial Klorofili

e ngjizë hijeshinë dhe buzët në ty shkrin

 

me lëng dhe rreze bukurie

t`u njëjtësuaka ajo fytyrë hijeshie

 

çfarë prushi i butë petalesh

i kuq i verdhë i bardhë kaltërsi përfaljesh

 

dëshmorëve ua shpaguan ngjyrën

gjakun në trajtë trëndafilash

 

në Ekspozitën e Lirisë

shkohet pa ombrellë nëpër shiun e dhimbjes

 

Ekspozita nuk mbanë porta të mbyllura

as pamje nën korniza

 

zjarri i butë i bukurisë

përjetësisht të grishë

 

në Galerinë e hapur të Lirisë

hienat dykëmbësh lëpihen

 

 

 

Gjilan, korrik 2023.