Mimoza Bici: A mundemi?!

Dashuria është liri

nuk është lidhje

Lidhjet janë shërbime

detyrime

rregulla

përshtatur në funksion të trupit

jo të shpirtit

Dashuria është shpirt

Një shpirt ku nuk mundesh ta mbash gjatë

për ta shndrruar në shërbim ndaj një trupi

që vdes e kthehet në hiç

Shpirti ndalon aty ku merr

pak energji e largohet

e pamundur ta pushtosh

Mrekullit t’i shfaq vegimeve

duke të vrarë kohën

Unë nuk kam më kohë për të vrarë…

Po të gjej ty i dashur

i zhytur përjetësisë

Po të gjej ty

Nga fundi i zhgënjimeve të mia

tmerreve

pabesive

lëndimeve

injorime pritjesh për

për t’më rilindur.

Unë ekzistoj

si shpirt e

në atë mrekulli qiellore

ku zoti ka ngulitur portretin tim

e ti e sheh si ëndërr

si një dritëz e vogël

tek më rrëmben ëmbëlsisht.

Të dy ekzistojmë

humbur kohërave të vrara.

A mundemi?!