Zanë Mali: ME DIELLIN TIM TË PËRDITSHMËM

 

Mblodha një nga një kockat

e shpërndara

Lava fytyrën e brumosur

të mëngjesit

Sytë e enjtur i ngjyrosa me

të zezë

Petkun e zonjës dardane vesha

Për t’i trazuar mendjet e

burrave fisnikë.

 

Takat jeshile më prisnin n’vitrinë

Për rrugëtimin nën

rreze drite

Drejtë  Pallatit të ligjeve pozitive

për t’i korigjuar vullnetshëm

Dështakët e moteve

që s’kthehen

Me diellin tim të përditshëm

Që më ngrohte njëjtë si shpirti

Yt  i ëmbël.