Zanë Mali: PO NUK E PUTHA MË PARË DIELLIN

 

Ai top i zjarrtë të djeg e nuk digjet

Falë të kundërtave që shkrihen në ne.

 

Të më bësh për vete mua

për fillim duhet të më ngrohësh

përngadal që t’mos ndizem aq fort

se pastaj shkrihem shpejt

varg kristalesh mbes guralecëve të detit

për t’i dhënë shije arrës së kokosit.

 

Veshur në të bardha fluturoj në ajër

si zanë mali shndëris e natën ditë ta bëj.

 

Nuk vetëndizem pa shkas

fundit të detit larg ku s’ka dallgë më ruaj

nëse më do buzë Jonit e vetes.

 

Më qetësojnë ato hapësirave magjike

s’reagoj vrullshëm në oksigjenin tënd

po nuk e putha më parë diellin.