Dr. Vlora Obertinca: Dëshira e heshtur brenda nesh

Kur vijmë në këtë jetë mendojmë se këtu do jemi gjithmonë andaj, edhe gjatë rrugëtimit lindin shumë dëshira, e nganjëherë disa i lëmë në heshtje edhe pse i dëshirojmë shumë.

Kur dëshira e heshtur, prej një pike bëhet lum, prej lumit det, e prej detit oqean, shëndërrohet në vuajtje, e prej vuajtjes në sëmundje, e prej sëmundjes në vdekje të ngadalshme e të dhimbshme.

Vallë pyesim ne, a kemi ardhur në këtë jetë të vuajmë apo ta shijojmë atë? Në fund të ditës të gjithë ata për të cilët bëmë sakrifica, vazhdojnë rrugëtimin e tyre sepse ata e kanë kuptuar para nesh se e kanë vetëm një jetë për të jetuar, andaj edhe i ndjekin dhe i realizojnë ëndërrat e tyre. Po ku mbetem ne në tërë këtë udhëtim, pyesim veten?!

Të dashurit e mi, mos i leni ëndërrat dhe dëshirat tuaja të heshtura sepse minutat e jetës janë të numëruara. Ju dhe vetëm ju mund t’i realizoni ato dhe ta gëzoni çdo moment të jetës suaj. Besoni në vetvete dhe merrni vendimet e duhura duke e dëgjuar zërin tuaj të brendshëm.

Filloni sot!