Bruna Gjoni Përvathi: Ti je unë Sofi

 

Po bie shi…

Në kryqëzimin përbri Katedrales dëgjohen hapa gruaje

Je ti Sofi…

 

Nata ka zbritur mbi flokët e tu të gjitha vetmitë…

Sytë t’i ka kthyer në vjeshta të lagura

Brenda tyre luhen sinfonitë e dhimbjes… që vetëm gratë i kuptojnë.

 

Ti je trisht Sofi…

Fryma jote loton si shelgu që varet mbi liqenin e mbushur me lot

…duke  pritur pulëbardhat t’i pijnë.

 

Mos u bëj qiell Sofi…

Qielli është për zogjtë

Gratë si ty nuk duhet të shuhen si cigare në duart e burrave.

 

Mos ik Sofi…

Dua t’i dëgjoj hapat e tu në kryqëzimin përbri Katetrales

Edhe kur të pushoj shiu…