Datat më të rëndësishme të Atit të Shenjtë të Vatikanit

 Më poshtë gjenden datat kryesore në jetën e Françeskut, papa i parë jezuit dhe i Amerikës Latine në histori, i cili vdiq sot në moshën 88-vjeçare:

– 17 dhjetor 1936: lindja e Jorge Mario Bergoglio në një lagje të klasës punëtore të Buenos Airesit.

– 1957: ai iu nënshtrua heqjes së pjesshme të një mushkërie pas pneumonisë dhe hoqi dorë nga bërja misionar në Japoni.

– 21 shtator 1953: merr thirrjen për t’u bërë prift.

– 11 mars 1958: pas trajnimit si inxhinier kimik, ai hyri në ”Shoqërinë e Jezusit”.

– 13 dhjetor 1969: shugurohet prift dhe më pas zgjidhet, katër vjet më vonë, përgjegjës për jezuitët argjentinas.

– 1980-1986: Rektor në Universitetin e San Miguel (provinca e Buenos Aires) dhe famullitar i thjeshtë në dioqezën e San Miguelit.

– 28 shkurt 1998: emërohet Kryepeshkop i Buenos Airesit.

– 21 shkurt 2001: shpallet kardinal nga Gjon Pali II.

– 13 mars 2013: zgjidhet Papa i 266-të, pasardhës i papës së dorëhequr Benedikti XVI. Zgjedh të quhet “Françesk”, duke iu referuar Françeskut të Asizit, shenjt mbrojtës i të varfërve.

– 8 korrik 2013: në Lampedusa, porta e emigrantëve afrikanë drejt Evropës, ai kritikon “globalizimin e indiferencës”. Në vitin 2016, ai solli 12 familje, duke përfshirë tre myslimane, nga kampi i emigrantëve në Lesbos (Greqi).

– 11 korrik 2013: ai fillon reformën e Kodit Penal të Vatikanit për të luftuar pedofilinë dhe korrupsionin në kishë.

– 29 korrik 2013: kur u kthye nga një udhëtim në Brazil, ai deklaroi se “nëse një person është homoseksual dhe kërkon Zotin me vullnet të mirë, kush jam unë që ta gjykoj”?

– 18 qershor 2015: ai botoi enciklikën e tij të dytë “Laudato Si”, duke bërë thirrje për një “konvertim ekologjik” dhe “kthjelltësi”.

– 12 shkurt 2016: Takim historik me patriarkun ortodoks rus, Kirill pothuajse 1 000 vjet pas përçarjes midis Kishës Lindore dhe Romës.

– 11 prill 2018: ai pranon “gabime serioze” në trajtimin e krimeve seksuale të fëmijëve në Kili dhe kërkon falje.

– 27 mars 2020: në mes të pandemisë Covid-19, ndërsa Evropa ishte në izolim, ai shpalli një bekim “Urbi et Orbi” i vetëm në sheshin e shkretë të Shën Pjetrit.

– 21 tetor 2020: ai deklaron veten në favor të bashkimeve civile për homoseksualët.

– 6 mars 2021: Gjatë një udhëtimi historik në Irak, ai takohet shiit Ayatollah Ali al-Sistani.

– 4 korrik 2021: operacion në zorrën e trashë, ai del nga spitali pas 10 ditësh.

– 5 qershor 2022: hyrja në fuqi e një Kushtetute të re Apostolike, që synon reformimin e thellë të Kishës.

– 5 janar 2023: ai kryeson funeralin e paraardhësit të tij Benediktit XVI.

– 29 Mars 2023: shtrohet në spital për tre ditë për një infeksion respirator.

– 7 qershor 2023: operohet për një hernie abdominale në Romë, shtrohet në spital për 10 ditë.

– 13 shtator 2024: Në moshën 87-vjeçare, ai përfundon një udhëtim 12-ditor në Azinë Juglindore dhe Oqeani, udhëtimi më i gjatë dhe më i largët i pontifikatit të tij.

– 14 shkurt 2025: Vuan nga pneumonia bilaterale dhe kalon 38 ditë në spital, qëndrimi më i gjatë i pontifikatit të tij./atsh-afp