Shefi i CIA-s: Ushtarët rusë nuk mbijetojnë më gjatë se 30 minuta në fushë të betejës
Uashington, 17 korrik 2026 – Drejtori i CIA-s, John Ratcliffe, deklaroi se një rekrut rus që dërgohet në vijën e parë të frontit në Ukrainë ka një jetëgjatësi vetëm 20 deri në 30 minuta.
“Jetëgjatësia mesatare e një rekruti rus që mbërrin tani në fushën e betejës në Ukrainë vlerësohet të jetë midis 20 dhe 30 minutash”, u shpreh Ratcliffe, në një samit për mbrojtjen në Pensilvani.
Ratcliffe tha se ky vlerësim bazohet në informacionet e inteligjencës amerikane dhe përputhet me raportimet e publikuara nga burime të hapura.
Ai tha se shkaku kryesor është përdorimi gjithnjë e më i madh i dronëve ukrainas të pajisur me inteligjencë artificiale, të cilët i cilësoi si “makina vrasëse” me kosto të ulët dhe me efikasitet të lartë në fushën e betejës.
Kievi thotë se Rusia i ka humbur rreth 1.4 milionë ushtarë që nga fillimi i agresionit të plotë ndaj Ukrainës, në vitin 2021. Sipas Kievit, mbi 1,000 ushtarë rusë vriten ose plagosen çdo ditë në Ukrainë. Në muajin maj, Ministria e Mbrojtjes e Ukrainës tha se rreth 200 ushtarë rusë e humbnin jetën për çdo kilometër territor të fituar nga forcat ruse.
