Trump dhe Rubio shqyrtojnë shkarkimin e Kimberly Guilfoyle si ambasadore në Greqi
Presidenti i Shteteve të Bashkuara, Donald Trump, dhe Sekretari i Shtetit, Marco Rubio, po shqyrtojnë mundësinë e shkarkimit të Kimberly Guilfoyle nga detyra e saj si ambasadore e SHBA-së në Greqi, pas akuzave për sjellje të papërshtatshme dhe shkelje të mundshme ligjore.
Sipas raportimeve nga mediat ndërkombëtare, zhvillimet e fundit kanë ngritur pikëpyetje serioze mbi etiko-profesionalizmin dhe praktikat e ndjekura nga diplomatja amerikane në Athinë. Burime pranë Uashingtonit bëjnë me dije se si Trump, ashtu edhe Rubio, janë shprehur të pakënaqur me këtë situatë. Ndjenja e pakënaqësisë është e dukshme veçanërisht te Sekretari i Shtetit Rubio, i cili javën e kaluar zhvilloi një vizitë zyrtare në Athinë ku u prit dhe u shoqërua nga vetë Guilfoyle.
Sipas të njëjtave burime, administrata amerikane po vlerëson hapat e mëtejshëm proceduralë dhe një vendim përfundimtar mbi të ardhmen e përfaqësimit diplomatik amerikan në Greqi pritet të merret brenda ditëve të ardhshme.
