AVDUSH CANAJ: ME KËMISHËN E VJERSHAVE
Dola në sheti
me këmishën e vjershave
Më erdhën harabelat në sup
si në degë këngësh,
edhe kumritë,
ishin edhe dallëndyshet,
m’i lexonin vargjet
me shendin në flatra.
Në kapelën e qielltë
një bilbil i binte kitarës
Unë fluturoja
me këpucët e brumbullit
Dikujt i shpërtheu gazi
“Nuk qenka i planetit tonë”!
S’u hidhërova
një xhep melodi ia fala
nga pema e vargjeve.
