Të shtëna me armë te “Pazari i Ri”, plagoset një person. Kapet autori

Një sherr me armë ka terrorizuar qytetarët sot pasdite në zonën e “Pazarit të Ri”. Mësohet se dy persona janë konfliktuar me njëri-tjetrin dhe më pas përplasja ka degjeneruar deri në përdorimin e armëve.

Policia thotë se shtetasi P.Gj. ka qëlluar më armë zjarri në këmbë shtetasin K.M. 40 vjeç. Ky i fundit është dërguar në spital, jashtë rrezikut për jetën.

Ndërkohë është arrestuar edhe autori. Ende nuk dihen motivet e sherrit.

NJOFTIMI I POLICISE

Më datë 11.09.2017, rreth orës 21 :00 në numrin e Emergjencave 112, ka ardhur telefonatë për plagosje me armë zjarri tek “Pazari i Ri”.

Në vendngjarje kanë mbërritur shërbimet e policisë dhe ambulanca, ku nga hetimet paraprake ka rezultuar se :

Shtetasi P.Gj., pas një konflikti është qëlluar në pjesën e këmbës me armë zjarri nga shtetasi K.M., 40 vjeç, banues në Tiranë.

Shtetasi i dëmtuar është transportuar në spital dhe është jashtë rrezikut për jetën.

Autori i plagosjes, shtetasi K.M., 40 vjeç është arrestuar nga policia dhe është shoqëruar në ambientet e policisë për veprime të mëtejshme.

Po punohet për zbardhjen e motiveve dhe rrethanave të ngjarjes.