Xhezide Selimi: PËR PAK BUZËQESHJE

Ti ushqen zemrën time vetëm me dashuri

Trupi yt përkulet para ndjenjave t’brishta

për të jetësuar

afshin e djegur ndër vite.

Ëndrra e pambaruar vazhdon aty ku u ndal

Një ëndërr e rinuar e shpirtit të lodhur

Për pak buzëqeshje

Kambanat bien për ne të dy

Padjallëzia na rrëmben

Puthjet ndizen e shuhen nën pasionin

e shpirtrave të çiltër

Nusja me vello të kuqe

i lë prapa kujtimet e tua lozonjare

Maria i takon vetëm Krishtit

E ti

Perëndeshës së drejtësisë