Xhezide Selimi: Pikturon trupin tim me gjethe vjeshte
Me ty përherë jetoj stinën e dashurisë
Ti pikturon trupin tim me gjethe vjeshte
Afshi yt i çmendur të djeg përtej diellit të mesgushtit
Buzëqeshja jote shkrin shpirtin e mallëngjyer prej kohësh
fjalët tua të pista aq shumë i dua në atë
çast
Dhe koha ndalet n‘çiltërsinë e Evës dhe Adamit
Kjo ndenjë e përflakur daton qysh para erës sonë
Freskomë me ujin që të rrjedh damarëve ilirë
Dhe ke mendjen në kokë
Se dashuria ime për ty ia kalon edhe asaj
të Marisë së virgjër për Krishtin
Puthjet tona, ana më e bukur e historisë
që njohu bota.
