Elbasan, zhduket prej tre ditësh vajza 27-vjeçare

Një vajzë 27 vjec nga Elbasani është denonuar në polici si e zhdukur. Policia njofton se gjatë ditës së djeshme, nëna e vajzës, R.P., 57 vjeç, banuese në Elbasan, ka kallëzuar në polici, se i është larguar nga banesa vajza 27 vjeçe D.P. Nëna tha para uniformave blu se e bija është zhdukur pa lënë gjurmë prej 3 ditësh. Pavarësisht kërkimeve tek të afërmit apo shoqet e saj, 27 vjeçarja nuk dihet se ku është, ndërsa shton se nuk ka qenë në dijeni as të ndonjë lidhje dashurie të së bijës. Pas denoncimit të bërë nga nëna e të zhdukurës, policia vijon punën për gjetjen e saj. Materialet i kaluan Prokurorisë së Rrethit Gjyqësor Elbasan për veprime të mëtejshme.