Agresioni i regjimit të Iranit, çështja kyçe e turneut rajonal të Gjirit të Paul Ryan

NCRI – Regjimi iranian dhe ekspansionizmi dhe agresioni i tij rajonal qenë pika kyçe e bisedimit gjatë një takimi midis Kryetarit të Dhomës së Përfaqësuesve të SHBA-së, Paul Ryan dhe mbretit Saudit Salman  në Riad, të mërkurën.

Dy politikanët e rangut të lartë u takuan në Pallatin Al-Yamamah për të diskutuar çështje bilaterale dhe stabilitetin rajonal, i cili përfshinte çështjen e mbajtjes nën kontroll të ndërhyrjes iraniane për të siguruar paqen dhe sigurinë rajonale.

Ashlee Strong, zëdhënësi personal i Ryan-it, tha: “Delegacioni dypalësh i Kongresit është i kënaqur të jetë i mirëpritur në Arabinë Saudite për të diskutuar interesat e përbashkëta të Shteteve të Bashkuara në stabilitetin rajonal dhe luftën kundër terrorizmit dhe agresionit iranian”.

Agresioni iranian në Lindjen e Mesme merr shumë forma të ndryshme. Regjimi përdor milicitë e tij të posaçme për të destabilizuar vendet e tjera deri në një masë që Irani mund të futet dhe të marrë fshehtas kontrollin (Irak, Liban), pengon rrëzimin legjitim të një diktatori agresiv kundër dëshirës së popullit të tij dhe duke e bërë diktatorin t’i nënshtrohet atyre ( Siri), dhe përdor lakejtë e tij për të destabilizuar një vend ndërsa i hedh raketa tjetrit (Houthis në Jemen).