Arrestohet për mina dhe hashash Endrit Vejsiu

Policia e Shtetit ka bërë të ditur se ka arrestuar Endrit Vejsiun, 29 vjeç,  në makinën e të cilit janë gjetur 4 lëndë plasëse me telekomandë dhe 3 kg lëndë e dyshuar si kanabis sativa. Mediat raportojnë se Endrit Vejsiu është ndaluar në rrugën Milot – Lezhë. Ky ndalim vjen ndërkohë që policia po përflitet për rolin e vet në ngjarjen ku protagonsite është shtetasja Xhiseila Maloku në Fushë Krujë. Për këtë arsye ndoshta arrestimi është pjesë e kthesës morale që kryeministri ka shpallur pas ngjarjes së Fushë Krujës, duke u distancuar nga çdo ndikim për çështje të sigurisë publike dhe duke kërkuar thjesht zbatimin strikt të ligjit. Zbatim të cilin e ndjek me përpikmëri dhe ndoshta në informim ditor për kryeministrin, ministri i Brendshëm, Fatmir Xhafaj.