Shaban Murati: Krahasime ballkanike

Një serb vrau me thikë në mes të ditës në mes të Stokholmit ministren e jashtëme të Suedisë Anna Lindh, figurë e shquar e diplomacisë europiane, sepse ajo kishte mbrojtur Kosovën. Gjithë bota e dënoi aktin e shëmtuar terrorist. Askush në Serbi, as zyrtarët, as mediat, as rrjetet sociale dhe as OJQ-istat, nuk organizuan me atë rast qarje kolektive për kombin serb, as nuk u ndjenë të turpëruar dhe as inferiorë, as ia përmendën serbit fenë ortodokse në emër të së cilës kreu vrasjen terroriste dhe as i kërkuan falje Suedisë për aktin terrorist tronditës të serbit.