Piktura e Pablo Picaso shitet mbi 103 milionë dollarë

Piktura e një gruaje të ulur pranë një dritareje (Marie-Thérèse) nga Pablo Picasso u shit të enjten për 103.4 milionë dollarë gjatë një ankandi të mbajtur në Christie’s në New York City.

Pëlhura e pikturuar në vitin 1932, u shit pas më shumë se 19 minutash ‘luftimesh’ midis koleksionistëve.

Vepra, e cila përfaqëson zonjën dhe muzën e Picasso-s, Marie-Thérèse Walter, gati dyfishoi sasinë e vlerësimit fillestar të siguruar nga Christie’s, e cila ishte 55 milionë dollarë.

Vetëm 14 piktura në histori tejkaluan 100 milionë dollarë në ankand.

Përveç Picasso-s, artisti italian Amedeo Modigliani është i vetmi në listë me më shumë se një pikturë.