Rifat Ismaili: RIKTHIMI

Jam rikthyer në mrekullitë e së shkuarës

Duke ecur lehtë ne pyjet e kujtesës

Lindin prej meje kujtime e shira

E ndjehem i lirë prej vetes.

Flas shpesh me jetën dhe vdekjen

Sikur te prekja një bimë të gjelbër

Fjalët e mia humbin nëpër qiell

Në krahët e yjeve, engjëjve.

Më duket se kam hyrë në mrekullinë e mendimit

Shiu luan me mendjen time.

Dhe jeta si nje çupëz vizaton

Ylbere shpresash të paarritshme…

Vuaj në vetmi për gjëra që s’më takojnë mua

Mund t’u dhuroj sëpaku, një vështrim pa shpirtvogëlsi?

Aq sa të mundem, të këndoj, të dehem e të dua

Se jeta s’paguan asnjeri!…