Një shqiptare për Miss New York USA, Bebe Rexha e mbështet publikisht

Një vajzë shqiptare konkurron këtë vit në Miss New York USA, për të fituar kurorën e më të bukurës. Ky kompeticion përzgjedh vajzën që do të përfaqësojë shtetin e New York-ut në konkursin e madh të bukurisë, Miss USA.

Shqiptarja Dorina Papraniku konkurron mes 167 vajzave të tjera pjesëmarrëse dhe mund të jetë një nga pretendentet për të marrë kurorën. Ajo ka marrë edhe mbështetjen e artistes shqiptare me famë botërore, Bebe Rexha. Kjo e fundit ka publikuar foton e Dorinës në profilin e saj në Instagram dhe e ka shoqëruar me figurën e flamurit të Shqipërisë. Dy vajzat duket se kanë dhe miqësi me njëra-tjetrën, pasi Bebe e mbështet gjithmonë Dorinën duke i pëlqyer çdo postim në rrjete sociale.

Bebe Rexha është treguar gjithmonë e hapur për të përkrahur shqiptarët dhe asnjëherë nuk e ka fshehur origjinën e saj. Madje në intervista ajo flet shpesh pë orogjinën e saj nga Dibra dhe traditat shqiptare. Të njëjtën gjë bëri së fundmi në intervistën për “Us Weekly” ku zbuloi detaje të pathëna nga jeta e saj. Ajo tregoi se ka mësuar gjithçka rreth kopshtarisë nga i ati, për shkak se babai i saj është rritur në një fermë në Dibër.

“Unë kam një kopsht të madh me domate në oborrin tim. Babai im u rrit në një fermë në Dibër dhe më mësoi pak për kopshtarinë”, ka treguar Bebe Rexha për “US Weekly”./ BotaSot