Odise Kote: ENDACAK

 

 

 

Ti kurrë nuk kishe strategji e plan,

askush sa ty, s’i di gjithë historitë.

Pasqyra brengash thyen pa merak,

i ngul trishtimit shtizë në brinjë.

 

 

Në kohë fat, me gravitet e flakë,

Gojëkyçur s’digjesh, burokrat i gjorë.

Bota me pranga, detyrim e lak,

Të ngjan hutim, komedi – revoltë.

 

 

Shijon torturën që zbret nga qiejt,

Kurth – alibi për një tjetër rikthim.

Je kalë egërshan, nuk e njeh bindjen,

Udhëve në pluhur, harresë e harrim.

 

 

 

Murg i vetmuar, pendime s’pertyp

kryq e tërthor iluzionesh pa cak.

Shpagim rreziku, o shpirt i lirë,

fillikat i fatit, hero endacak…