Xhezide Selimi: PËR ËNDRRËN QË HËNA MA PIKTUROI

Hana pikturon ëndrrat mbi malin e prangosur nga telat me gjemba

Plepat kanë zgjatur duart tek porta e perëndisë

Luten të (ç)thurren nga ky muzg dinak

Në këtë mal s’kalojnë drenushat

Është shpallur me akt solemn mbretëria e derrave të murrmë

Vë dorën mbi stinën time të akulltë

Shkrij një copë shprese për shtegtimin e zogjve mërgimtarë

Trëndafilin në gotën e mërzis e përbij si hap për qetësim- diazepam

Ngulfatur nga gjembat zgjohem në botën parahistorike, luftoj mitin e karizmës dhe fle mbi jastëkun me pendla kristalesh për ëndrrën që hëna ma pikturoi.