Avdush Canaj: A E DI NUMRIN E KËPUCËVE TË BUBURRECIT

 

 

 

A e di

numrin e këpucëve të buburrecit?

Po lagjen ku i qepin dallëndyshet

minifundet që u kanë hije?

Në cilin vagon të muzgut

janë ëndrrat me pëllumbat larosh?

Kush ia lidh bishtalecat hënës

kur lahet te liqeni?

Ç’thotë dega e qershisë

kur shtrinë krahun kah dritarja jote?

Ç’dorë magjike ndez

bateritë e xixëllonjave?

 

Nëse s’e di

të të them drejt

s’mund të jesh kurrë

poet për fëmijë

as shok me të si unë

që i tregoj për gjithçka.